Пеѓа Јовановиќ на 27 јули во Битола – Голем концерт на ,,Ракометно игралиште”

Пеѓа Јовановиќ, кој во моментов е еден од најпопуларните и најбарани изведувачи и човек кој без голема реклама полни концертни сали ширум регионот, на 27 јули, за првпат ќе одржи голем концерт во Македонија и тоа на „Ракометно игралиште” – Битола.

Емотивниот пејач кој со своите песни ја освои публиката, на 27 јули доаѓа во Битола, а сите присутни може да очекуваат музичка ноќ која долго ќе се прераскажува, вонсериска атмосфера и светско доживување.

Неговите песни влегуваат под кожа, а потврда за истото е и неговиот албум “24/7” кој и после неколку месеци од неговото објавување, се уште не се симнува од врвот на музичките листи, како и распродадените 8 сали во “МТС Дворана” во Белград, со кој уште еднаш докажа зошто е најбараниот меѓу колегите.

И после сите искушенија и предизвици кои му ги приреди животот, конечно дојдоа неговите 5 минути слава, а Пеѓа максимално ги користи.

Пеѓа Јовановиќ освен со неговите авторски песни, успешен е и во преработките на песните од неговите колеги, што нималку не е чудно за неговата публика. Затоа дојдете на 27 јули во Битола, заедно да уживаме во песните на Пеѓа Јовановиќ.

Влезниците се пуштени во продажба, а истите имате можност да ги купите преку продажната мрежа на www.kupikarta.com, Brothers Tobacco на Широк Сокак, како и во Литература – Битола.