ekran платформа за слободоумни
ТикТок профилот на ЈЕЛЕНА Карлеуша, кој неодамна го отворила, е затворен.
На социјалните мрежи е споделен скриншот од профилот на 46-годишната српска пејачка, кој моментално е недостапен. На TikTok сега се само нејзините фан-страници.
Tik tok obrisao nalog Jelene Karleuše pic.twitter.com/M2yqrHnVEm
— Eko Straža (@EkoStraza) February 28, 2025
Нејзиниот профил неодамна беше деактивиран.
За потсетување, Инстаграм профилот на Јелена неодамна беше деактивиран. Таа сега е активна на Facebook и X.
Имено, пејачката во последните неколку недели се најде во центарот на вниманието поради нејзините објави на социјалните мрежи за протестите во Србија и Александар Вучиќ, поради кои беше покрената петиција за затворање на нејзиниот Инстаграм профил.
Здружението на граѓани „Еко Стража“ од Србија ова барање го испратило до компанијата „Мета“ поради „говор на омраза, расизам, ксенофобија и штетно однесување“, јавуваат српските медиуми.
„Бараме од Мета суспензија на профилот на Јелена Карлеуша на Инстаграм поради говор на омраза, расизам, ксенофобија, таргетирање поединци и генерално штетно однесување. Ова се повеќекратни прекршувања на упатствата на заедницата на Инстаграм, особено во однос на говорот на омраза, вознемирувањето и дезинформациите“, рекле претходно од „Еко Стража“, кои сега први објавиле дека на Јелена Карлеуша и е избришан и профилот на ТикТок .
Според нив, од почетокот на студентските протести во Србија, Карлеуша речиси секој ден споделувала десетици објави за поддршка на претседателот Вучиќ и отворено ги навредувала сите кои не се согласуваат со нејзиното мислење.
Фото: Архива
