ДЛУМ ги повикува сите надлежни институции да му помогнат на уметникот Златко Крстевски

Друштвото на ликовни уметници на Македонија ги повикува сите надлежни институции да му помогнат на уметникот Златко Крстевски.

Претседателката на ДЛУМ, Јана Манева-Чупоска во својата објава вели: За жал има и други ликовни уметници кои се во ваква или слична состојба. Ликовното творештво претставува процес на создавање на ликовни дела, но, исто така мотивирачки за самиот автор е и продажбата на неговите дела бидејќи тоа е начин на егзистенција.

– Купувајте слики од уметниците!
– Повик до сите општествено одговорни компании да купуваат слики од ликовните уметници !
– Министерство за култура / Ministria e Kulturës да размисли за можноста да го активира конкурсот за откуп на ликовни дела кој беше активен во самото Министерство за култура!
– Министерство за труд и социјална политика исто така да проба да изнајде начин како да помогне!
– Општина Прилеп и градоначалникот на град Прилеп да изнајдат начин како да помогнат!