ekran платформа за слободоумни
Чешките лекари успеале скоро три месеци да ја одржат во живот 27-годишна бремена жена која претрпела мозочна смрт и да ја породат.
Невообичаениот подвиг на лекарите се случил минатата недела во Универзитетската болница во Брно, кога со царски рез, на свет дојде мало девојче, со тежина од 2,1 килограм и потполно здраво.
Породувањето било извршено на 34-та недела од бременоста,а мајката веднаш беше исклучена од апаратите. Несреќната девојка доживеала тешка хеморагија на мозокот неколку недели откако забременила.
Во болницата одлучиле трудницата да ја одржуваат бремената жена во живот се’ додека бебето не биде добро развиено и подготвено за породување, објави CTV News.
„Мајката беше клинички мртва, знаевме дека веднаш по породувањето, ќе го прекинеме нејзиното вештачко одржување на животните функции. За жал, така требаше да биде. Слично со тоа, според закон,е кога луѓе донираат органи“, рекол Павел Вентруба, раководител на Гинеколошка и акушерска клиника во Брно
