Наскоро ќе стане мајка: Холивудската глумица бремена во 42. година

Ѕвездата од серијата „Очајни домачинки“, Ева Лонгорија и нејзиниот сопруг Хозе Бастон, очекуваат бебе.
Иако во медиумите веќе подолго време се појавуваат приказни за бременост, глумицата Ева Лонгорија се’ досега остро ги демантирала, а познато е дека за дополнителните килограми го обвинила преголемото конзумирање сирење и вино.
Сепак, бидејќи нејзината бременост се’ повеќе напредувала, Ева одлучила да ги потврди дотогашните гласини, а среќните вести ги потврдила за „Ју Ес викли“.
Познатиот американски таблоид така соопштил дека холивудската ѕвезда е во четврти месец на бременост и дека во 42. година чека син.
Тоа, воедно, ќе биде и прво дете на Ева со медискиот бизнисмен Хозе Бастон кој од претходниот брак има три деца.
Преубавата бринета со Бастон во врска е од 2013. година, а во брак се од летото 2016. година. Пред него Ева имала двајца сопрузи – кошаркарот Тони Паркер и глумецот Тајлер Кристофер.