ekran платформа за слободоумни
Бред Пит дал ретко приватно интервју.
Тој бил гостин во подкастот „Armchair Expert“ со Декс Шепард, каде што отворено зборувал за своето искуство во анонимните алкохоличари (АА). Анонимните алкохоличари се заедница на мажи и жени кои разменуваат искуства, сила и надеж едни со други, како го решиле вообичаениот проблем со зависноста и биле во можност да им помогнат на другите да се опорават од алкохолизам.
Пит Анонимните алкохоличари ги нарекол неверојатна работа, истакнувајќи: „Мислам дека се едноставно неверојатни мажи кои ги споделуваат своите искуства, своите недостатоци, своите погрешни чекори, своите желби, своите болки и многу хумор заедно со тоа. Мислам дека тоа беше навистина посебно искуство“.
50-годишниот Шепард, кој бил многу отворен за своите проблеми со злоупотребата на дрога и трезвеноста, го прашал Пит дали е нервозен јавно да разговара со него откако се сретнале во Анонимните алкохоличари, забележувајќи ја вистинската искреност и ранливост на ситуацијата.
Сакал да го промени својот живот
Сепак, Пит го уверил дека е целосно опуштен. Актерот исто така рекол дека е малку срамежлив што доаѓа во АА, но не се срамел да зборува за тоа колку лошо се чувствувал во тој момент.
„Бев практично на колена и бев навистина отворен“, рекол Пит. „Пробав сè и секого. Сè што некој би ми фрлил. Беше тежок период. Ми требаше удар. Во некои аспекти од животот морав да се разбудам. И тоа ми значеше многу“.
Фото: Принтскрин/YouTube /Armchair Expert with Dax Shepard
