„Тик-Так“ – нов сингл и спот на Таско со кој го најавува својот нов албум

Нашиот познат музичар Таско го промовираше својот најнов сингл „Тик-Так“, како втор сингл од неговиот претстоен албум „Рани од злато“. Песната, која веќе собра над 25000 прегледи на YouTube откако беше премиерно објавена на 11 ноември 2025 година, го носи препознатливиот стил и ритам на Таско.

Песната е комплетно продуцирана од Urban Records, а музиката и текстот се дело на Таско. За аранжманот и битот е задолжен Glory, додека за квалитетот на звукот се погрижија Иван Јованов-Ивајо и Таско со микс и мастеринг.

Музичкиот спот е режиран од Никола Наумовски, кој исто така ја потпиша и кинематографијата, монтажата и колор-корекцијата, додека извршни продуценти се Таско и  Наумовски. Видео клипот ја носи естетиката на модерната визуелна продукција и го нагласува енергичниот и динамичен карактер на песната.

„Тик-Так“ ја потврдува континуираната посветеност на Таско да создава музика која комбинира модерни ритмови и уникатен израз, и претставува важен дел од неговиот нов албум кој се очекува да ја освои публиката.