ekran платформа за слободоумни
Со текот на годините, губењето на тежината и одржувањето на телесната тежина станува сè потешко поради природното забавување на метаболизмот и промените што доаѓаат со стареењето.
Иако забавувањето на метаболизмот е нормално, можно е да се ублажи ефектот со промена на исхраната. Експертите за здравје и исхрана издвоија неколку намирници што луѓето над 40 години треба да ги избегнуваат, бидејќи дополнително го забавуваат метаболизмот.
Меѓу нив е белиот ориз, кој содржи помалку влакна, што го отежнува регулирањето на шеќерот во крвта и може да поттикне прејадување.
„Консумацијата на бел ориз треба да се намали на минимум. Му недостасуваат влакна и хранливи материи, што доведува до брзо зголемување на шеќерот во крвта. Со текот на времето, ова придонесува за инсулинска резистенција и воспаление. Наместо тоа, на пациентите им се советува да избираат интегрални житарки, кои обезбедуваат влакна и со тоа постабилен одговор на шеќерот во крвта“, рекол д-р Кубанич Такорбашев за SheFinds.
Исто така, некои маргарини содржат транс масти и други нездрави масти кои го поттикнуваат воспалението, а хроничното воспаление е поврзано со метаболички проблеми.
Нутриционистката Јохана Енгмен изјавила: „Маргаринот и другата пржена храна содржат транс масти, за кои е познато дека го зголемуваат лошиот холестерол и го намалуваат добриот холестерол. Оваа нерамнотежа може да доведе до атеросклероза, состојба што го зголемува ризикот од срцеви заболувања. Внимателното читање на декларациите и избегнувањето на производи со делумно хидрогенизирани масла може да помогне во намалувањето на внесот на транс масти“.
Преработените производи како што се колбасите и саламата често содржат адитиви, конзерванси, нитрити и големи количини на натриум, што може негативно да влијае на метаболизмот и да го поттикне зголемувањето на телесната тежина.
Нутриционистката Емили Џонсон истакнува: „Колбасите и хот-договите имаат висока концентрација на заситени масти и натриум. Тие често содржат конзерванси како нитрати, кои го нарушуваат метаболичкото здравје и водат до зголемување на телесната тежина“.
Дополнително, одредени растителни масла може да содржат скриени транс масти или делумно хидрогенизирани масла.
Диететичарката Џил Монген предупредува: „Транс мастите и хидрогенизираните масла се познати по тоа што доведуваат до срцеви проблеми како што се висок холестерол и долгорочни затнати артерии“.
Фото: Pixabay
