Сеќавање: 25 години без нашиот познат актер Игор Маџиров

Игор Маџиров е роден во 1970 година во Струмица. Тој беше еден од најталентираните и најхаризматичните актери во Македонија. Познат по улогите од серијалот „Во светот на бајките” во кои го глумеше „Малиот Петар”, „Петар Гаван”, улогата во „Пред дождот”, но и многуте улоги во Театарот за деца и младинци.

Меѓу 60-ина кандидати режисерот Милчо Манчевски му ја доделил улогата на Стојан во најнаградуваниот македонски филм „Пред дождот“, кандидат за највисоката холивудска филмска награда Оскар. Јавноста го памети Маџиров како актерот со црвена коса, Могли – детето од џунглата, а првата улога како седумгодишно дете ја добил во филмскиот серијал „Белото циганче“.

Претставата „Убавицата и ѕверот“ во Театарот за деца и млади беше последна за него, кога својата улога ја одиграл само осум часа пред неговата смрт. Во Театарот за деца и младинци во периодот од 1993 до 2000 година Маџиров одиграл над 500 претстави.

Починал во Скопје на 20 февруари 2000 година.

Детето со прекрасна црвена коса, иако прерано не напушти, никогаш нема да не напуштат убавите чувства што сеќавањето на него ни ги пробудува.