ПОЧИНАЛА ПОЗНАТА АКТЕРКА: Глумела во популарна серија од 1990-тите

Алис Хирсон, позната по улогата на мајката на Елен Деџенерис во популарната серија од 1990-тите „Елен“, како и улогата на Мејвис Андерсон во серијата „Далас“, починала на 95-годишна возраст.
Според информациите доставени до The Hollywood Reporter од нејзиниот син, Дејвид Хирсон, актерката починала од природна смрт на 14 февруари во Motion Picture & Television Country House and Hospital во Вудленд Хилс, Лос Анџелес, каде ја поминала последната година од својот живот.
Хирсон е родена на 10 март 1929 година во Њујорк, а својата актерска кариера ја започнала во 1960-тите, настапувајќи во неколку претстави.
Нејзината прва телевизиска улога била во „Starlight Theatre“ во 1951 година, а вистинското признание дошло дури во 1960-тите кога станала редовен телевизиски лик.
На големото платно, Хирсон глумеше во филмови како „Nightwing“, „Private Benjamin“, „Revenge of the Nerds“, „The Big Picture“, „The Glass House“ и „The Lost“.
Хирсон била во брак со актерот Роџер О. Хирсон, од кого подоцна се развела, а нејзиниот втор сопруг, актерот Стивен Елиот, починал во 2005 година.

Фото: Архива