ekran платформа за слободоумни
Министерот за култура и туризам Зоран Љутков заедно со премиерот Христијан Мицковски, министерот за локална самоуправа, Златко Перински, и со градоначалникот на општина Гази Баба, Бобан Стефковски присуствуваше на настанот по повод отпочнување на активностите за реонструкцијата на поранешниот Дом на културата „11 Октомври“ во населба Ченто.
„На задоволство на граѓаните, а како резултат на одличната соработка меѓу централната и локалната власт во наредните 18 месеци, објектот кој со децении беше препуштен на забот на времето, за прв пат, ќе биде целосно реконструиран и саниран. За таа цел, од програмата на Владата за инфраструктурни проекти од областа на културата обезбедивме 84 милиони денари“, рече Љутков.
Реконструираниот Дом на културата ќе се простира на 1000 метри квадратни, ќе биде на три нивоа, ќе има галерија, фоаје, гардеорби, сцени, гледалиште за 180 гледачи, помошни простории, лифт за лица со посебни потреби и ќе биде енергетски ефикасен.
Според Љутов реконструкцијата на културниот дом ќе биде значаен чекор за обновување на културната инфраструктура каде во иднина ќе се реализираат театарски претстави, кино проекции и други настани кои ќе го збогатат културниот живот не само на жителите на Ченто, туку и на Општина Гази Баба.
