ekran платформа за слободоумни
Денес, со почеток во 12:00 часот, Музејот на современа уметност во Скопје организира МСУ Водич и Матине.
Во 12 часот кустосот водич Бојана Јанева ќе ви ги доближи трите меѓународни изложби:
• „Прекршено време. И светот се пресоздава од тоа што го заборава“
• „Војна на сетилата/војна врз сетилата“
• „Калдер: флуиден модернизам“ Изложба која ексклузивно ќе се отвори на самиот ден на матинето, во која ќе биде изложено делото на Александер Калдер од колекцијата на музејот придружено со звучна композиција на Дорит Крајслер. Крајслер е австриска композиторка која создаде звучна композициja во интеракција со придвижувањето на мобилното дело на Александер Калдер, во Музејот на модерна уметност – МоМА, Њујорк.
Од 13 часот матине дружење со диџеј сет
За најмладата публика и овој пат се организира Детско катче, каде ќе можат да цртаат потикнати и инспирирани од изложбите.
МСУ изразува благодарност кон учениците од НОВА интернационалното школо, кои помогнаа при инсталцијата на новата изложба.
