Денес роденден прославува нашиот познат фолк пејач Ванчо Тарабунов

Ванчо Тарабунов е роден на 24 февруари 1951 година во Радовиш. Тој е познат македонски пејач на народни песни. Долги години бил вработен во Македонската радио-телевизија, како уредник и водител.

Негови попознати песни се: Жени се Радо, Македонски крвопис, Дедовино, Земјо Делчева, Ела си Лене, Барам прошка. Тој е чест учесник и на фестивалите: “Гоце Фест”, “Фолк Фест Валандово”, “Тумба Фест” и други. Долги години работеше како радио новинар, уредник и водител на народна популарна музика во Македонската радио телевизија.

Тој е еден од основачите, организаторите и воедно долгогодишен учесник на Гоце Фест и “Тумба Фест”.

Добитник е на бројни награди:

• Награда на “Гоце Фест” за песната “Дедовино” (1990)
• Награда на “Тумба Фест” за истоимената песна (1997)
• Втора награда на “Гоце Фест” за песната “Срам ни перде да се нема” (2005)
• Прва награда на “Гоце Фест” за песната “Што е мое пак ке биде мое” (2010)
• Награда за животно дело на Фестивалот “Цветници” (2016)
• Награда за животно дело на Фестивалот “Тумба Фест” (2020)
• Награда на “Гоце Фест” за песната “Дедовино мила ризјанска” (2024)

Редакцијата на Екран ја користи оваа прилика и му го честита роденденот на Ванчо Тарабунов.