ekran платформа за слободоумни
Идеја за посна пита која брзо се подготвува и има многу здрави состојки
Состојки:
500 г готови тенки кори за пита
50 мл масло за премачкување на плехот и корите
500 г компири (исечени на мали коцки или рендани).
1 главичка кромид
1 свежа црвена пиперка
1 голем домат
половина китка листови магдонос
1 лажичка мелена слатка црвена пиперка
1/2 лажичка бибер
1 лажица сув зачин
сол по вкус
Подготовка:
Загрејте малку масло во тава и кратко пропржете го ситно исечканиот кромид и црвената пиперка додека не омекнат. Кога кромидот и пиперката ќе се испржат, префрлете ги во голем сад. Додадете ситно исечкани (или рендани и исцедени) компири, сечкани домати и сите зачини (сол, бибер, слатка пиперка, сув зачин и магдонос).
Добро измешајте за филот да се соедини и биде сочен од маслото. Земете плех за печење и премачкајте го со масло. Распоредете ги корите и подгответе го преостанатото масло за премачкување. Ставете ја првата кора во плех за печење и премачкајте ја со масло.
Ставете ја втората кора врз неа, но не ја покривајте со ништо. Рамномерно распоредете го филот со компири, кромид, пиперки и домати врз втората кора. Замотајте ги корите во ролат. Наредете ги ролатчињата во плех за печење, а потоа исечете ги на половина.
Потоа секој дел повторно се сече на средина, така што ќе добиете мали ролатчиња. Премачкајте ги со остатокот од маслото. Загрејте ја рерната на 200°C и печете ја питата околу 40 минути, додека убаво не порумени. Кога питата ќе биде готова, извадете ја од рерна и оставете ја непокриена да се олади и да ја задржи крцкавоста.
Фото: Принтскрин/YouTube
