ekran платформа за слободоумни
Песната со која Антигони ќе настапи на евровизиската сцена ќе биде објавена подоцна. Дотогаш, публиката може да се запознае со нејзиниот музички стил.
Иако има уште многу време до Евровизија 2026, откриен е првиот изведувач што ќе настапи на натпреварот. Кипарската пејачка Антигони, која живее во Лондон, ќе го претставува Кипар во Виена, а таа била избрана интерно од кипарската национална телевизија CyBC, пишува Eurovisionworld.
Песната со која Антигони ќе настапи на евровизиската сцена ќе биде објавена подоцна. Дотогаш, публиката може да се запознае со нејзиниот музички стил преку една од нејзините понови песни, „Хабиби“.
View this post on Instagram
Која е Антигони?
Антигони Бакстон е британско-кипарска кантавторка од Северен Лондон. Таа е ќерка на грчко-кипарската телевизиска водителка и готвачка Тоња Бакстон, и пораснала опкружена со британска и кипарска култура. Таа почнала да ги пишува своите први песни како тинејџерка, а подоцна го посетувала престижниот BRIT School во Лондон, познат по уметници како Адел и Ејми Вајнхаус.
Во раните дваесетти години, таа потпишала договор со Island Records и почнала да го развива својот препознатлив звук – мешавина од поп и R&B со медитерански влијанија и грчка инструментација. Досега има објавено неколку синглови, вклучувајќи ги „Long Way Home“, „Never Gonna Love“ и „Hit List“, а често користи двојазични текстови во песните што го одразуваат нејзиниот британски и кипарски идентитет.
View this post on Instagram
Таа станала позната на пошироката публика во 2022 година со учеството во британското реално шоу „Love Island“, кое ѝ донело големо признание низ целото Обединето Кралство и Кипар. Нејзината популарност продолжила да расте на социјалните мрежи, па денес има 595 илјади следбеници на Инстаграм, кои ја следат не само поради нејзината музичка кариера и песни, туку и поради нејзиниот впечатлив изглед и силен личен бренд.
View this post on Instagram
Фото: Принтскрин/Instagram
