Нашата позната пејачка Бојана Атанасовска‑Скендеровски денес прославува роденден

Бојана Атанасовска-Скендеровски, е родена на 14 февруари 1984 година во Скопје. Таа е позната македонска поп пејачка и текстописец.

Таа ја започнала нејзината кариера во 2003 со учеството во телевизиското шоу Плеј – потрага по ѕвезди. Нејзиниот прв сингл бил “Живеј со прашањето”, со која настапи на финалето на оваа манифестација, на авторскиот двоец – Дарко Димитров (музика, аранжман и продукција) и Александар Принц (текст). Истата година таа настапила на Макфест во Штип со песната “Немам одбрана” и го освоила првото место. Во 2003 настапила на уште два натпревари, влашкиот натпревар “Fantana Di Malama” со песната “Ќе полудам” на влашки јазик, и натпреварот “Марко Поло” во Хрватска.

Бојана издала еден албум наречен “Целосно ти припаѓам”. Во 2006, таа настапила на изборот за Евровизија со три песни, што предизвикало шпекулации дека натпреварот е наместен. Во финалето победила Елена Ристеска со песната “Нинанајна”. Бојана издала и неколку дуети, вклучувајќи соработка со Ѓоко Танески и со црногорската група “No name” и песната “Моја мала”. Во 2008 година го издала албумот „Во дилема“.

Била автор и водителка на емисијата “Улица Македонија”, која се емитуваше на Телевизија 24 а потоа на Алфа ТВ, која имаше 4 сезони, вкупно 99 епизоди.

Редакцијата на „Екран“ и го честита роденденот на Бојана и ѝ посакува многу здравје и уште многу успеси во понатамошната кариера.