ekran платформа за слободоумни
На 13 декември 2013 година, без никаква најава, Бијонси го објави својот петти студиски албум – Beyoncé, проект што засекогаш ги промени правилата во музичката индустрија. Албумот беше пласиран изненадно, на iTunes Store, како целосно визуелно издание со песни и видеа снимени во строга тајност.
Работата на албумот започнала во 2012 година, кога Бијонсе ги поканила продуцентите и текстописците со кои сакала да работи да живеат и создаваат во нејзиниот дом. Процесот бил привремено прекинат поради турнејата, но во 2013 година таа се враќа на проектот, решена да експериментира надвор од границите на современиот R&B.
Резултатот беше уникатен звук – комбинација на електро-R&B, алтернативен R&B, електроника и соул, со нагласени басови. Тематски, албумот е длабоко личен и интимен, обработувајќи љубов, моногамија, сексуалност и женска автономија.
Со своето ненадејно објавување, Beyoncé веднаш постави рекорд за најбрзо продаван албум во историјата на iTunes. Дебитираше на првото место на американскиот Billboard 200, а подоцна доби петкратна платинеста сертификација од RIAA. Албумот стигна на врвот на топ-листите и во Австралија, Канада, Хрватска, Холандија и Полска.
Албумот доби универзални пофалби за иновативната продукција, моќната вокална изведба и зрелите теми. Многу критичари го сметаат Beyoncé за најголемото уметничко дело во нејзината кариера.
На 57. доделување на Греми (2015), албумот ги освои следниве награди: Best Surround Sound Album, Best R&B Song и Best R&B Performance за „Drunk in Love“.
Во 2020 година, Rolling Stone го вклучи на листата 500 Greatest Albums of All Time, на високото 81. место.
Со овој албум, Бијонси не само што го редефинираше звукот и визуелниот концепт, туку и покажа дека уметникот може целосно да ја контролира сопствената креативност и начинот на објавување.
