Изложба „Моменти“ на Марта Патлиџанковска во Македонскиот КИЦ во Софија

„Моменти“ е насловот на изложбата на младата ликовна уметница Марта Патлиџанковска која беше отворена вчера (13 март), во 18:30 часот, во галеријата на Културно-информативниот центар на Република Македонија во Софија.

Во рамките на изложбата беа претставени сликарски платна во голем формат, работени во комбинирани техники, во кои доминира експресија на бојата.

Делата претставени на изложбата се настанати во последните две години од творештвото на уметницата, која е целосно фасцинирана од феноменот на бојата и токму преку неа се обидува да нѐ внесе во својот сликарски универзум.