Годишнина од заминувањето на неповторливиот Фреди Меркјури

На 24 ноември 1991 година, светот загуби една од најголемите рок-икони, фронтменот на Queen, Фреди Меркјури, кој почина на 45-годишна возраст од компликации предизвикани од вирусот ХИВ/СИДА. Роден како Фарух Булсара, Меркјури во 1970 година го основа бендот Queen заедно со Брајан Меј, Роџер Тејлор и Џон Дикон.

Неговиот талент беше очигледен уште од раните денови на групата. Од комплексноста на неговото авторство, преку неверојатниот вокален опсег, до препознатливата, раскошна сценска појава. Со Queen, Меркјури ги создаде некои од најголемите рок-класици, меѓу кои „Bohemian Rhapsody“, „We Are the Champions“ и „Somebody to Love“.

Иако соработуваше со своите колеги до самиот крај на животот, во текот на 80-тите години Меркјури започна и соло кариера, во која го објави албумот Mr. Bad Guy – остварување што се искачи во Топ 10 на британските топ-листи.

По неговата смрт, преостанатите членови на Queen организираа величествен трибјут-концерт во Лондон, со цел да се подигне свеста за СИДА и да се соберат средства за борба против овој смртоносен вирус. Концертот обедини многу музички ѕвезди и останува едно од најзначајните настани во историјата на рок-музиката.