ekran платформа за слободоумни
По огромниот успех на првата Оскаровска Гала вечер минатата година и одличниот прием кај публиката, утревечер во МНТ повторно ќе се одржи концертот во чест на Оскарите.
Безвременските хитови номинирани и наградени со најпрестижната филмска награда, Оскар, ќе ги исполнат реномираните македонски пејачи; Наде Талевска, Ана Петановска, Горан Наумовски, Денис Димоски, Светлана Јовановска, Дејан Бобиќ Дексо, Нарија Димитриевиќ, Јасна Димитровска, заедно со Битолскиот Камерен Оркестар IWConnect и Полифонија.
Низ Оскаровските приказни и филмската историја ќе ве води Миланка Рашиќ.
Концертот ќе започне во 20:00 часот, а посетителите ќе пристигнуваат на Црвениот тепих од 19:30 часот.
Настанот ќе се одржи точно една недела пред 97-та Оскаровска церемонија во Лос Анџелес.
Времетраење 120 минути, со пауза од 20 минути.
Билети може да се набават на билетарницата на МНТ, или онлајн на www.mnt.mk
