Споменар: 20 кратки и интересни одговори со Миа Перевска

Во рубриката „Споменар“ нашите познати личности одговараат на 20 кратки и интересни прашања по теркот на споменарите што беа актуелни кај тинејџерите во 80те и 90те години пред интернетот да стане главна занимација. Се надеваме дека за миг ќе ви ги „разбудиме“ најубавите спомени …

Денес ви го презентираме „споменарот“ на нашата млада, талентирана и креативна изведувачка Миа Перевска.

– Во колку часот се будиш?

• Кога не ми налагаат обврските порано, природно се будам во 9 часот наутро.

 

– Кој ти е прекар?

• Вистинското име ми е Михаела, такашто Миа ми е прекар.

 

– Што си во хороскоп?

• Во хороскоп сум стрелец, во подзнак вага а во месечина јарец.

 

– Кој ти е омилен пијалак?

• Црно кафе.

 

– Која ти е омилена боја?

• Розева, по нашки пембе боја.

 

– Кое ти е омилено јадење?

• Македонска лута салата со сирење или сладолед, не можам да се одлучам.

 

– Која ти е омилена книга?

• Пре искрено: збирка од оригиналните хорор сказни на браќата Грим, а секојдневно преферирам да читам филозофски или духовни книги.

 

– Кој ти е омилен филм/серија?

• Немам омилени филмови, имам омилени режисери: Tarantino, Kubrick, Wes Anderson, Gullermo Del Toro и Alejandro Jodorowsky. Омилена серија ми е Twin Peaks од David Lynch.

 

– Кој ти е омилен спорт?

• Уметничко лизгање а сакам и екстремни спортови.

 

– Што знаеш најубаво да зготвиш?

• Разни врсти на домашни тестенини и италијански сосови.

 

– Кое е твоето омилено годишно време?

• Есен.

 

– Со кога сакаш да снимиш дует?

• Со Nei Palm од Hiatus Kaiyote.

 

– Која е твоја најдобра и најлоша особина?

• Најдобра, би рекла дека премногу сум грижлива и кон луѓе и животни. Најлоша ми е заборавањето, откако ќе излезам од дома еднаш се враќам по телефонот, втор пат по новчаникот а трет пат не памтам зошто.

 

– Кој е твоја омилена македонска песна?

• “Си заљубив едно моме” верзијата од Дуке Бојаџиев и Тања Тас.

 

– Омилен пејач/ка, група (македонски)

• Архангел.

 

– Најубаво место што си го посетил/a?

• Франција.

– Како се викаше првата ваша девојка/дечко?

• Ќе го прескокнам прашањево 🙂

 

– Со кого го пиеш утринското кафе?

• Сама, тоа е моето омилено време од утрото, тогаш медитирам.

 

– Кој е твојот омилен музички македонски албум?

• Моментално ми е хит “Nikogash Pak” на Funk Shui, свежо излезен.

 

– Кој е твојот омилен глумец/ца од Македонија?

• Никола Ристановски.