ekran платформа за слободоумни
Бојана Скендеровски ја заокружува 2025 година со нов сингл што ветува да стане еден од нејзините најголеми хитови. „Нема, нема“ е свежа, ритмична и заразна трака, објавена како подарок за публиката – токму пред нејзиниот прв солистички концерт на 13 декември во Македонската филхармонија.
„Пред мојот прв солистички концерт, решив да ви ја подариме новата песна „Нема, нема“. Спремете се за ритам кој не излегува од глава!“, порача Бојана, која и овој пат блеска со својот препознатлив шарм и силна енергија.
„Нема, нема“ го носи печатот на проверена и препознатлива екипа:
Музика и аранжман: Никола Мицевски
Текст: Борче Нечовски
Гитара: Зоран Костадиновски
Придружни вокали: Теодора Мицевска
Снимано и миксано: Студио XL Момироски
Од првиот момент, песната внесува динамична, модерна и танцувачка енергија, со мелодија што веднаш се лепи за уво. Текстот ја носи препознатливата емоција на Нечовски – искрена, непосредна и блиска, но со силен карактер.
Видео продукцијата е дело на Скендеровски Продукција, со визуелно модерна естетика и урбан изглед што совршено се поклопува со енергијата на песната. Секој кадар е чист, динамичен и визуелно привлечен, токму она што „Нема, нема“ го бара како песна. Со речиси 17000 прегледи досега, песната очигледно веќе го наоѓа своето место кај слушателите.
„Нема, нема“ е повеќе од нов сингл. Тое е енергичен и впечатлив вовед во големиот момент што Бојана долго го гради: нејзиниот прв солистички концерт. Со оваа песна, таа уште еднаш ја покажува својата музичка зрелост и беспрекорна посветеност.
Бојана вели:
„Да ја испратиме оваа година со позитива!“
И навистина – „Нема, нема“ е токму тоа.
