ekran платформа за слободоумни
Театар Комедија го издаде капиталното дело „Актерот и просторот“ од Деклан Донелан.
Деклан Донелан е еден од највлијателните британски театарски режисери, ко-основач на прочуената компанија Cheek by Jowl. Неговата работа ја обележува длабока посветеност кон актерот – не како изведувач, туку како човечко суштество.
Во својот бестселер Актерот и целта, Деклан Донелан изложи свеж и радикален пристап кон глумата што инспирираше актери ширум светот. Сега, во Актерот и просторот, тој ги развива и продлабочува тие идеи, истражувајќи го тој најдлабок извор на виталност во животот, како и просторот околу нас.
Обраќајќи се на фундаменталните прашања со кои се соочува секој актер – Што ја прави изведбата подобра? Како да создадам простор во кој мојот лик може да живее? Како да допрам до тој простор и да црпам енергија од него? – Донелан нуди универзален сет на клучеви што ги отклучуваат тајните на изведбата.
Ова значајно дело, сега достапно на македонски јазик благодарение на Бисера Бендевска, беше промовирано во Театар Комедија од професорот Иван Додевски.
Побарајте го вашето издание во Театар Комедија.
