ekran платформа за слободоумни
Културно информативниот центар – Скопје, има особена чест и задоволство да ве покани на промоција на книгата „Скопје 20214… и потоа” од Златко Теодосиевски на ден 3. јуни. 2025година од 12:00 часот во Салон Империјал 1
За книгата ќе зборуваат Никос Чаусидис и Бранко Геровски.
Златко Теодосиевски е историчар на уметност, критичар и публицист, автор е на повеќе книги од областа на ликовната уметност и културата („Илија Кочовски – сликар на тишината”, „Жарко Јакимовски, монографија”, „Сашо Саздовски, монографија”, „Пандора Саздовска, монографија”„(Само)заробена култура”, „Време на изгубени илузии”, „Пролегомена за македонската фотографија, том 1-4 и др.)
Во 2024 година се навршија полни десет години од „проектот” со славно име „Скопје 2014″, а изминуваат безмалку еднакво толку години и од времето на т.н. „Шарена револуција” којашто, меѓу другото, инсистираше на конечна разврска со овој „проект”, особено заради неговата анахроност, хаотичност, криминогеност, противзаконска позадина, неговата анти-историчност и квазиестетичност итн. Спомнатите години едновремено сведочат и на приближно толку долгиот период од ветувањата на една политичка партија дека го разбира народниот гнев против „Скопје 2014″ и дека дефинитивно ќе расчисти со „проектот”.
Промоцијата ќе биде проследена со фотографии од „Скопје 2014″ од Александар Кондев
