ekran платформа за слободоумни
В петок (30 мај), во Europe House Скопје ќе се одржи ново издание на мултимедијалниот настан „Клинци“ во организација на младинската организација „Култура Бета“ и Europe House Скопје.
На настанот ќе се претстават четири поетеси, а паралелно на книжевното читање ќе биде поставена и една самостојна изложба. На книжевното читање ќе се претстават младите поетеси Гала Матевска, Ана Тодоровска, Ана Шапкарова и Светла Јакшиќ. Со своја изложба ќе се претстави Сара Митковска. Модератор на настанот ќе биде Андреј Медиќ Лазаревски.
„Клинци“ е циклус од мултимедијални настани во чии рамки се претствуваат млади книжевници и визуелни уметници. Идејата зад настанот е да се претстават новите уметници во полето на книжевноста и визуелната уметност и да се даде простор за претставување на нивното творештво. До сега на настанот се претставиле над триесетина поети и поетеси и уште дваесетина визуелни уметници.
