ekran платформа за слободоумни
На 20 јули 2025 година, младата и талентирана македонска пејачка Тијана Периќ ја претстави својата нова песна „Само Мој“, која веќе се наметнува како една од највпечатливите музички премиери во македонскиот етер ова лето.
„Само Мој“ е баладичен урбан поп сингл во кој Тијана со својот вокал мајсторски ја балансира ранливоста и силата. Нежниот, а притоа моќен глас ја пренесува длабоката емоција на текстот.
Текстот, напишан во соработка со Иван Петровски, говори за интимен момент на емоционална и физичка блискост, каде допирот станува универзум, а љубовта – лична вистина. Рефренот „ти си мој, само мој“ се повторува како мантра ја засилува и потврдува страста која не признава граници.
Иван Петровски е главниот творец зад музиката, аранжманот, продукцијата и мастерингот на песната, која е создадена во студиото Musiverse. Неговата гитара додава топлина и живописна текстура на звукот, додека пратечките вокали, изведени од самата Тијана, го збогатуваат и дополнително ја надополнуваат целокупната музичка атмосфера.
Видеоспотот е снимен во студиото Solution Plus, под режиска палка на Billy D., а монтажата е дело на Филип Димитриевски.
Песната и видеото се достапни на YouTube, а Тијана може да ја заследите на социјалните мрежи. Подолу погледнете го видеото за „Само Мој“.
