ekran платформа за слободоумни
На денешен ден во 1997 година беше објавена специјалната all-star изведба на песната „Perfect Day“ од Лу Рид, првично издадена во 1972 година. Новата верзија, во која учествуваа Рид, Елтон Џон, Дејвид Боуви, Тами Вајнет, Џоан Арматрејдинг и многу други познати имиња, беше издадена како сингл во Обединетото Кралство, а сите приходи беа наменети за хуманитарната акција BBC Children In Need.
Синглот веднаш дебитираше на #1 на британската топ-листа, а од продажбата беа собрани повеќе од 2 милиони фунти за добротворни цели.
Песната за првпат се појави ненадејно на 20 септември 1997 година како промотивна порака на BBC, придружена со видео во кое се редеа изведувачите. Пораката требаше да го истакне фактот дека BBC, како јавен сервис финансиран од државата, има независност да емитува разновидна музика, симболично претставено токму преку широкиот спектар на уметници што учествуваа во проектот.
Во видеото и песната се појавија следниве уметници:
Lou Reed
Bono (U2)
Skye Edwards (Morcheeba)
David Bowie
Suzanne Vega
Elton John
Boyzone
Lesley Garrett
Burning Spear
Thomas Allen
Heather Small
Emmylou Harris
Tammy Wynette
Shane McGowan
Dr. John
Robert Cray
Huey Morgan (Fun Lovin’ Criminals)
Ian Broudie (The Lightning Seeds)
Gabrielle
Evan Dando
Courtney Pine (саксофон)
Brett Anderson (Suede)
Joan Armatrading
Laurie Anderson
Tom Jones
Интересен факт е што Дејвид Боуви бил продуцент на оригиналната верзија на „Perfect Day“, што се појави на албумот Transformer. За оваа хуманитарна верзија, сите уметници земале симболичен хонорар од само 250 фунти.
По емитувањето, BBC добил огромен број писма, телефонски повици и е-пораки од гледачи кои прашувале дали песната ќе биде комерцијално достапна. Тоа ја поттикна телевизијата да организира официјално издавање на синглот, со цел целиот приход да оди за хуманитарни намери.
По издавањето синглот дебитира на број 1 и останува уште една недела на врвот. Вкупно девет недели се задржува на Топ 10 листата.
