ЗИМСКА ПРИКАЗНА го освојува Пелистер

Вчера, на Пелистер, започна новата традиција – „Куќа имам на Пелистер“, инспирирана од стиховите на легендарниот Јонче Христовски. Овој настан е повеќе од обично собирно место – тоа е приказна за природата, авантурите и традицијата што ја слави нашата Битола.

Над 1.000 посетители, повеќе од 20 локални производители, и незаборавни моменти за сите кои ја доживуваат убавината на Баба Планина.

Од лизгалиштето во Битола, кое е новото срце на градот, до авантурите на Пелистер, „Зимска приказна“ ја покажува својата моќ да се шири и инспирира луѓе со нови идеи, но и да создава нови можности за сите.

Посебна благодарност до Националниот парк Пелистер, нашите локални херои – производителите, и сите вас кои сте дел од оваа магија. Заедно, ја поставуваме Битола на мапата на зимски туризам и празнични дестинации.

Битола ја пишува новата зимска приказна – заедно создаваме спомени што ќе траат вечно!