ЗАПОЧНА 32 ИЗДАНИЕ НА ФЕСТИВАЛОТ НА КЛАСИЧНА МУЗИКА „ИНТЕРФЕСТ“

Со операта „Рита“, во изведба на Националната установа „Опера и балет“, започна 32 издание на Интернационалниот фестивал на класична музика „Интерфест“, во Народниот театар во Битола.

Годинава, на фестивалот, како што образложи уметничкиот директор на „Интерфест“, Милица Шперовиќ Рибарски, ќе настапат врвни уметници од 8 држави  и тоа од Јапонија, Шпанија, Русија, Португалија, Италија, Австрија, Украина и Македонија.


Фестивалот го отвори градоначалникот на општина Битола Тони Коњановски, кој истакна дека Битола повторно ќе биде домаќин на бројни гости, чии настапи ќе бидат наградени со силни аплаузи, како потврда за покажаниот ентузијазам на организацијата и исполнетите очекувања од публиката.

„Воодушевувачкото поврзување на убавината, музиката и уметноста, вечерва по 32-ри пат ќе одекне токму од градот на клавирите, од нашата прекрасна Битола, благодарение на неуморноста и одличната организација на брачниот пар Милица Шперовиќ Рибарски и Кирил Рибарски, кои над три децении го одржуваат, негуваат и растат угледот на Интернационалниот фестивал на класична музика Интерфест.


Културните епитети кои ги поседува Битола, надалеку прозвучуваат низ ваквите големи манифестации, меѓу кои за нас, посебно место и значење има овој фестивал, во кој на необично структуриран начин, уметничкиот израз допира до секој посетител.

Со посебна грижа кон традицијата и промоција на културните вредности, како локална самоуправа и годинава даваме поддршка на фестивалот, кој низ годините ги надминал сите предизвици и останал достоен промотор на Битола во светски рамки.


Успешната приказна на магичниот звук и прекрасната игра, може да започне“, посочи Коњановски.

Фестивалските содржини ќе траат до 12 октомври, а на 11 октомври ќе гостува познатиот јапонски бас Казухиро Котецу, кој ќе исполни оперски арии и македонски народни песни, во придружба на Камерниот оркестар на Битола.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

(ФОТО) КРАЛСКО СЕМЕЈСТВО – Зошто Шарлот не го добила името по Дијана? Вилијам сакал да и оддаде почит на мајка си, но една работа го спречила

Принцот Вилијам и Кејт Мидлтон не можеле да ја именуваат својата единствена ќерка Шарлот по …