(Вознемирувачко видео) ЗАГИНАЛ СРЕДЕ ГРАБЕЖ: Неспретен крадец, наместо банкомат, се разнел себе!

Тешката метална врата на влезот во собата одлетала на околу 10 метри
Неспретен крадец (37) од Русија во вторникот додека се обидувал да ограби банкомат во градот Чероповец се разнел самиот себе.
Тој загинал на лице место додека ставал импровизиран експлозив, а безбедносната камера ја фатила ненадејната детонација.
Полицијата најпрво соопштила дека неидентификуван човек починал кога експлозивот во „Збербанк“ го разнел него наместо банкоматот. Инспекторите подоцна започнале со потрага по соучесникот кој избегал. Исто така, од банкоматот не недостасувала ниту една рублја.

„Имаше гласна експлозија и звук на искршено стакло“, речкла жена, која живее во станбена зграда во која се случила експлозијата,за локалните медиуми, додавајќи дека сметала дека целиот објект ќе пропадне.
Ударот бил толку јак што тешката метална врата на влезот во просторијата каде бил банкоматот одлетала околу 10 метри.