ekran платформа за слободоумни
Група бесни мештани од село во Мексико запалиле, наводен педофил, откако бил обвинет за силување и убиство на девојче (6).
Локалните медиуми објавија дека Алфредо Роблеро бил претепан. Селаните потоа го полиле со бензин и го запалиле. Овој настан се случил во едно мало село во мексиканската држава Чиапас.
Роблеро е обвинет за силување и убиство на девојчето Јарид, чие исчезнување било пријавено во четвртокот. Нејзиното тело било пронајдено покрај патот во наредните денови.
Вознемирувачката снимка што ја пренесуваат светските медиуми ги прикажува луѓето околу Роблеро, кој бил врзан, додека некои го снимале по телефон, пренесува „Дејли меил“.
Пред тоа, го претепале, потоа му ги врзале рацете и нозете, го запалиле и оставиле жив да изгори.
Потоа, се гледа како Роблеро во агонија се врти на земјата. На снимките сè уште може да се слушне како вреска додека толпата свирка и извикува.
Властите соопштиле дека народот не смеел да ја преземат правдата во свои раце. Во тек е истрага за смртта на обвинетиот.
