Во ЗОО Скопје се родија три бебиња од загрозениот вид бели волци

Во ЗОО Скопје се родија бебиња од загрозениот вид бели волци (canis lupus arctos). Стари се три недели, а белата боја на крзното, како на нивните родители, ќе ја добијат со текот на времето.

Волчињата се заедно своите родители и тие се грижат за нив во нивното живеалиште. Мајката ги роди во дувло коешто сама го направи и таму сокриени го поминуваат поголемиот дел од денот. Во многу земји на Европската Унија овие волци се строго заштитени со Бернска конвенција.


Белите волци во Зоолошка градина во Скопје пристигнаа од Чешка во 2020 година.

This image has an empty alt attribute; its file name is mladi-volci.jpg


Арктичкиот волк (Canis lupus arctos) е подвид на сивиот волк кој ги населува арктичките региони на Северна Америка и Гренланд. Познати се и како поларни волци или бели волци.

Овој вид на волци спаѓа во загрозените видови, но не од човекот (нивно ловење), туку од климатските промени кои се случуваат на Арктикот. Нарушениот еко систем во овие делови значително го намали бројот на овие животни во последните години.


This image has an empty alt attribute; its file name is mladi-volci-2.jpg

За потсетување, оваа пролет во Зоолошката градина во Скопје се случува вистински „бејби бум”, односно се родија три лавчиња, белорак гибон, мала лама, бебиња кенгури, лемури, берберска овца, камила и најновите бебиња бели волци.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

НАЈГОЛЕМИ МАНИПУЛАТОРИ НА ХОРОСКОПОТ: 3 знаци кои можат да ве измамат без да сфатите

*Хороскопските препораки и совети не треба да се сфаќаат особено сериозно, а за сите индикации …