Македонскиот театар со особена чест и задоволство ве поканува на сеќавањето во чест на актерот Кирил Псалтиров, кое се оддржува во рамките на чествувањето на 80 години Македонски народен театар.
Кирил Псалтиров беше актер кој долги години беше дел на театарот и за чија харизма и вештина останува да се зборува и денес. Сеќавањето ќе се оддржи денес, во 12:00 часот, во фоајето на Македонскиот народен театар.
Тој беше еден од првата генерација на актери кои излегоа од Академијата на драмски уметности во Скопје и целиот свој работен век го помина во Македонскиот Народен театар. Таму одигра бројни улоги во најпопуларните престави како Госпоѓа министерка, Чорбаџи Теодос, Женидба, Ревизор и многу други, а посебен печат остави со својата улога како Тевје во врвниот мјузикл Свирачот на покрив. Играше во многу македонски филмови како Пред Дождот, Најдолгиот пат, Време води, Пресуда, Мисија Лондон и многу други, како и во бројни ТВ серии како Илинден, Волшебното самарче, Во светот на бајките, но и во популарните македонските народни приказни и Трврдокорни, каде посебно забележани беа неговите улоги во кои ги глумеше војводите Христо Узунов и Дедо Иљо Малешвски.