ekran платформа за слободоумни
Вечерва во Кинотека на Македонија, со почеток во 20:00 часот, во рамките на месецот посветен на јубилејните проекции, ќе биде прикажан легендарниот југословенски игран филм „Како пропадна рокенролот“.
Филмот премиерно е емитуван пред 35 години и спаѓа во рангот на култните филмски остварувања на југословенската кинематографија.
„Како је пропао рокенрол“ е југословенски омнибус филм што мајсторски ја спојува сатиричната критика на општеството, апсурдниот хумор и духот на една културна епоха. Со три приказни што се занимаваат со влијанието на рокенролот врз младите, филмот не само што го слави, туку и го деконструира митот за рокенролот како симбол на слободата, побуната и индивидуализмот.
