ekran платформа за слободоумни
Еден од последните случаи на исчезнато лице беше за чичко Пепи по кого се трагаше со недели. За жал, не беше пронајден чичко Пепи туку неговото тело…
По веста дека исчезнатиот чичко Пепи од Скопје по кого се трагаше речиси две недели е пронајден мртов во водите на реката Лепенец, се огласи неговата внука.
„Збогум вујче Пепи
Драги пријатели, завчера наутро е пронајдено телото на вујко ми Пепи, во околината на Злокуќани. Веројатно е починат во првите два дена по исчезнувањето. Идентификуван е врз основа на облеката и трагите од операцијата на срцето. Не се сомневаме дека е тоа Пепи, но, додека не се направат ДНК анализите не може да го погребаме, ќе известиме за погребот дополнително.
Фала ви премногу од име на целото семејство на сите добри луѓе за огромната помош во потрагата по вујко ми, за сета љубов, енергија и поддршка.Навистина се надевам дека многу луѓе ќе научат нешто од нашата ситуација- огромен е бројот на луѓе во Македонија кои живеат со некаква форма на деменција, а 6. од 10. луѓе со деменција „отшетуваат” како вујче Пепи и се губат, не сфаќаат дека се изгубени и не знаат да побараат помош. Ако видите човек на улица кој делува збунето, изгубено, пријдете му, направете муабет и задржете го, доколку имате и најмала сомнеж дека се работи за изгубен човек, не го губете од вид и јавете се на 192. полиција, можеби ќе спасите нечиј живот. Ако се грижите за близок со деменција, набавете ГПС часовник или слична ГПС направа – за жал вакви работи се случуваат, дури и кога ги гледаме 24-7.
Фала ви уште еднаш на сите“.
