ekran платформа за слободоумни
Разорен земјотрес со јачина од 7,8 степени според Рихтеровата скала ги погоди Турција и северозападна Сирија рано утринава, при што загинаа повеќе од илјада луѓе (точната бројка засега се движи околу 1500 лица), а повеќе од 2.000 биле повредени при уривање на згради ширум регионот.
Граѓаните на Турција, кои останале заробени во урнатините во текот на ноќта по разорниот земјотрес, преку статуси и фотографии на социјалните мрежи бараат спасувачите да им помогнат.
Yardım bekliyorum pic.twitter.com/fkGX0WKCsR
— Aysel (@ayselllyeral) February 6, 2023
Имено, во бројните објави кои кружат на Твитер, заробените наведуваат „спасете ме, ве молам“, додека другите корисници во коментарите на секој начин се обидуваат да објаснат каде се наоѓаат објектите каде што се заробени.
Enkaz altındayım yardım edin
— travis scott.bnb (@akustktravma) February 6, 2023
Разорниот земјотрес однесе повеќе од 1500 животи во Турција и Сирија, при што беа повредени неколку илјади луѓе, а според последните информации се урнаа над 2.000 згради во двете земји.
Спасувачките екипи се на терен и со часови се обидуваат да ги извлечат повредените, како и да ги извлечат телата на починатите од урнатините, но и потрага по преживеани во урнатините.
Enkaz altındayım
— Aysel (@ayselllyeral) February 6, 2023
Турскиот потпретседател Фуат Октај изјавил дека 284 луѓе загинале, а 2.323 се повредени додека властите ги преместиле спасувачките тимови и авионите во погодената област, истовремено прогласувајќи го „четвртото ниво на тревога“ барајќи меѓународна помош.
A Massive 7.8 Magnitude Earthquake has struck Central Turkey within the last hour, Severe Damage and multiple Casualties are being reported across the Region. pic.twitter.com/qILgKNAHMK
— OSINTdefender (@sentdefender) February 6, 2023
Според агенциите, турскиот претседател Реџеп Таип Ердоган остварил телефонски разговор со гувернерите на осумте погодени провинции за да собере информации за ситуацијата и спасувачките напори, се вели во соопштението од неговиот кабинет.
Иако тлото се затресе во Сирија, во исто време во Либан се случил земјотрес со јачина од 4,5 степени, па тлото се стресе и во Јордан, Израел и областите под управа на палестинската управа. Се тресел дури и главниот град на Сирија, Дамаск.
Фото: Принтскрин/Twitter
