(ВИДЕО+ФОТО) ТИРКИЗНИ И СМАРАГДНИ ТОНОВИ СО ПОГЛЕД НА ДЕСНО: Прв заеднички портрет на принцот Вилијам и Кејт!

ПОРТРЕТОТ на војводата и војвотката од Кембриџ е изложен во музејот Фицвилијам во Кембриџ, каде што двојката била во посета.
Сликата е дело на наградуваниот мајстор за портрети Џејми Корет, а е нарачана во 2021. година од страна на Кралскиот фонд за портрети во Кембриџшир. На портретот се гледаат Кејт и Вилијам како стојат еден до друг и гледаат надесно, со опуштени изрази на лицето. Принцот Вилијам носи црн костум со лесна кошула и тиркизна вратоврска, додека Кејт носи смарагден фустан The Vampire’s Wife, Manolo Blahnik чевли, со пар бисерни обетки.

Кралската двојка се сретнала со Корет во четвртокот за да го открие портретот.
– Тоа е прилично голем портрет, и изгледа неверојатно!, изјавил принцот Вилијам.
И’ војводата и’ војвотката студирале историја на уметност на Универзитетот во Сент Ендрјус, иако Вилијам подоцна се префрлил на географија.
Корет работел на инкорпорирање на мотивот на Кембриџ во портретот со сликање на позадината со тонови и бои на многу историски градби кои се синоним за него. Тој рекол дека работата на портретот била „најнеобичната привилегија во животот и фактот што бил избран да ја наслика сликата“.


– Сакав да го покажам нивното кралско височество на начин на кој тие се однесуваат опуштено и пристапно, како и елегантно и достоинствено. Бидејќи ова е првиот портрет што ги прикажува заедно, особено во време кога тие се војводата и војвотката од Кембриџ, сакав сликата да предизвика чувство на рамнотежа меѓу нивниот јавен и приватен живот – изјавил уметникот.
Граѓаните ќе можат да го видат портретот во музејот Фицвилијам во период од три години, по што уметничкото дело ќе биде изложени во други општествени простори и галерии низ Кембриџшир. Сликата ќе биде позајмена и на Националната галерија на портрети наскоро во 2023. година за да го одбележи повторното отворање на галеријата.

Инаку, откривањето на портретот се случува во моментот кога се шпекулира дека семејството планира да се пресели од Лондон во Беркшир. Според извештајот на Sunday Times, принцот Вилијам, Кејт и нивните три деца се подготвуваат да се населат во куќа на имотот на кралицата во Виндзор што ќе биде нивната примарна резиденција.
Семејството ќе ја задржи палатата Кенсингтон како свој дом во Лондон.

Фото: Принтскрин/Instagram

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

SoundEdge објавија две нови песни

Музиката што долго време лебдеше во воздухот на SoundEdge студиото, што излегуваше и влегуваше од …