ekran платформа за слободоумни
Министерот за полиција на островска земја на источниот брег на Африка, Мадагаскар, стекна светска слава како суперхерој со својата неверојатна способност да преживее. Серж Желе (57) пливал 12. часа до брегот откако неговиот хеликоптер се урнал во морето за време на спасувачка мисија кај североисточниот брег на четвртиот по големина остров во светот.
„Сè уште не ми е време да умрам“, вели исцрпената Желе, чија фотографија на носилки, сè уште во маскирна униформа, се рашири на социјалните мрежи.
Желе работел во полиција три децении пред да биде назначен за министер во август. Тој сега рекол дека по несреќата пливал од 19.30 до 7.30 часот следното утро, до градот Махамба. Таму потврдиле дека не е повреден, но дека му е ладно:
-Би сакал само да го емитувате ова видео за да го види моето семејство, да го видат моите колеги, да го видат членовите на Владата. Жив и здрав сум – им рекол Желе на селаните во Махамба.
Malagasy minister Serge Gelle was one of two survivors who swam some 12 hours to shore after their helicopter crashed off the island's northeastern coast.https://t.co/rmat0LeZGg
— DW News (@dwnews) December 22, 2021
За чудото да биде поголемо, несреќата ја преживеал и друг полицаец, кој патувал со него во хеликоптер. Се уште не е јасно што ја предизвикало несреќата.
