ekran платформа за слободоумни
Кога Том Тенант се родил во 1993 година во Австралија, никој не знаел колку посебно ќе биде бебето. Всушност, тој е медицинска мистерија.
Тој дошол на светот со доволно кожа за да го покрие телото на петгодишно дете, а лекарите никогаш не виделе нешто слично. А особено биле шокирани родителите.
– Бев шокиран кога го видов. Не знаев дека бебето може да изгледа така, изјавил таткото на Том, Џеф, во интервју за емисијата 60 минути.
Потоа започнало предизвикувачкото патување за неговото семејство. Неговите родители за медиумите откриле дека по ултразвукот им било кажано дека Том нема да биде обично бебе.
– Кога го слушнавме тоа, помисливме и решивме да оставиме да биде така како што е предвидено и дека ќе се справиме со тоа – велат тие.
Тестовите и прегледите не помогнале да се утврди сериозноста на состојбата на Том. И мајката Деби била шокирана кога новороденчето и го ставиле на градите, но вели дека сепак било „прекрасно да може да го земе во раце и да го гали“.
Лекарите немале објаснување зошто бебето се родило со толку вишок кожа, па затоа немале ниту лек ниту решение. Прво чекале да порасне и кожата да му биде „темна“. Барем таков бил планот, единствениот.
Но, неговата состојба била толку посебна што истражувачите решиле да му посветат време и да се обидат да ја откријат оваа мистерија, па тој поминал два и пол месеци во медицинскиот центар, на преглед. Тој бил првото дете со овој проблем, а научниците морале да почнат од нула.
Објаснувањето дошло неочекувано – им помогнала една карактеристика на расата на кучиња, Шар-Пеј, да ги доведе до заклучок дека збрчканата кожа на Том е од истата причина – имено, нивото на хијалуронска киселина во кожата на момчето било 100 пати повисока од нормалната.
Лекарите се надевале дека, како и кај овој тип на куче, со текот на времето ова ниво на киселина ќе се намали и ќе му даде понормален изглед, а тоа се случило додека Том растел. Том сè уште има вишок кожа, но не ни приближно колку кога бил помал. Тој вели дека има пријатели кои го гледаат како еден од нив, а кога ќе се погледне во огледало вели дека гледа само „нежна и добра личност“.
– Некои дури ми велат дека изгледам кул, некои дека изгледам многу кул, некои не ми кажуваат ништо – зборувал Том како момче.
28 години подоцна, австралиските медиуми се обидоа да дојдат до Том и да видат како живее денес „момското чудо“. Но, немало многу индиции за Том.
Сепак, профилот на Фејсбук сугерира дека живее исполнет живот и дека е оженет.
Фото: Принтскрин/YouTube
