Со овие зборови хрватскиот „Večernji list“ пишува за падот во животот на некогашниот вистински спортски ас на СФРЈ.
А, тој текст гласи вака:
„Поранешниот словенечки скијач Бојан Крижај (68) беше голем спортист, особено се истакнуваше со настапите во слалом.
Ја оствари и првата победа за југословенски натпреварувач во Светскиот скијачки куп. Тоа беше во 1980 година во Венген, а неговиот триумф предизвика еуфорија низ поранешната држава.
Словенецот професионално скијаше 12 години, а за тоа време постигна бројни успеси. Ги закити во 1987 година кога земал мал кристален глобус во слалом. Тој ја имаше честа да го постави знамето на отворањето на Зимските олимписки игри 1984 година во Сараево.
Сепак, на сите убави работи им доаѓа крајот, а тоа е особено случај кога се во прашање кариерите на професионалните спортисти.
По неговата спортска кариера, Крижај решил да влезе во бизнисот. За разлика од неговиот прв повик, тој немал среќа во следниот потфат.
Милионски долгови
Наскоро тој бил во финансиски проблеми, а се шпекулирало и за банкрот. Словенечкиот суд потврдил дека долговите на Крижај по серијата пропаднати деловни потфати изнесуваат 1,7 милиони евра.
Овој развој на настаните значело голема промена за некогаш познатиот скијач. Неговата луксузна куќа во Австрија завршила на продажба.
Трговија со луѓе во неговата куќа?
За таа зграда завршил и на суд, со оглед на сомнежот дека куќата ја изнајмувала криминална група. „Словенски репортер пишуваше за трговијата со луѓе што се случувала таму, а Крижај не понуди никакво објаснување“, пишува „Večernji“.
Фото: Принтскрин/YouTube