ekran платформа за слободоумни
Патниците кои се нашле на летот од Солт Лејк Сити до Хонолулу минатата среда ќе имаат приказна за памтење. Имено, една патничка за време на летот се породила.
Патничката Џулија Хансен се’ снимила и објавила на ТикТок, а снимката досега ја погледнале скоро 12 милиони луѓе.
„Се роди бебе“, шепоти Џулија на почетокот. Потоа се слуша како патниците и честитаат на мајката, додека член на персоналот на авионот на микрофонот ги моли патниците да останат врзани „уште неколку минути додека на патничката и даваат медицинска помош“.
Хансен вели дека авионот слетал три часа подоцна. Жената која наводно се породила била првата што била симната од авионот со бебето во рацете, а останатите патници и аплаудирале.
@juliaberniceIt’s the ‘baby being born while we’re above the Pacific Ocean’ for me
„Мајката и бебето се здрави, ако некој се прашуваше“, открила Џулија подоцна во коментарите.
Авионската компанија „Delta“ потврдила за Фокс њуз дека бебето е родено за време на летот, но не дале повеќе детали. Според пишувањето на Washington Post, бебињата родени во воздушниот простор на САД се сметаат за граѓани на САД. Сепак, издавањето на извод од матична книга на родените може да биде малку понезгодно. Раѓањето на дете може да се изврши во областа каде што се родило или во местото каде што авионот слетал, тврди Post.
Фото: Принтскрин/TikTok
