ekran платформа за слободоумни
Десетгодишниот Мауро Јакиќ воодушевил со својот настап во првата аудиција на Хрватски Суперталент, а по тој повод расплакал многумина.
Мауро го отпеал хитот на британската пејачка Адел „Easy On Me“, а солзи можеле да се забележат во очите на членот на жирито Мартина Томичиќ, родителите и братот на момчето, како и кај многу присутни во публиката.
Ова десетгодишно момче зборува три јазици, тренира пинг-понг, а под видеото од неговиот настап стои дека вообичаено не се занимава со музика, туку е главен пејач во куќата.
Беше наведено дека една од неговите причини да се пријави на Суперталент е да дојде да ги види Маја Шупут и Мартина Томчиќ.
„Што е ова, можно ли е ова? Во шок сум, ова не е вистина“, изјавила Маја по изведувањето на песната „Easy On Me“.
„Имаш убав глас кога зборуваш, имаш прекрасен глас кога пееш. И имаш одлична контрола врз тој глас. Можеш да пееш така со полн тон и можеш да влезеш во овој нежен фалсет”, му рекла Томчиќ по настапот.
Во жирито оваа сезона се појавуваат веќе познатите членови Давор Билман, Маја Шупут, Мартина Томчиќ, а на местото на Јанко Поповиќ Волариќ дојде Фабијан Павао Медвешек.
Фото: Принтскрин/YouTube
