ekran платформа за слободоумни
Студиото А24 го објави официјалниот трејлер за еротскиот трилер „Babygirl“ во режија на Халина Рејн, со Никол Кидман и Харис Дикинсон во главните улоги.
Долгоочекуваниот филм имаше премиера на овогодинешниот филмски фестивал во Венеција, а Никол Кидман ја доби и наградата Volpi Cup за најдобра актерка.
Трејлерот за филмот беше објавен пред два дена, а веќе собра речиси три милиони прегледи.
Во филмот, Кидман игра моќна извршна директорка и семејна жена од Њујорк, која започнува ризична афера со нејзиниот многу помлад практикант, кој го игра Харис Дикинсон.
Покрај Кидман и Дикинсон, улогите во филмот ги толкуваа: Антонио Бандерас, Виктор Слезак, Софи Вајлд, Вон Рајли, Естер Мек Грегор, Лесли Силва и Аноп Десаи.
Критичарите кои имаа можност да го погледнат филмот веруваат дека ќе биде многу успешен и дека Кидман најверојатно ќе добие бројни номинации за нејзината улога. Судејќи по коментарите под објавениот трејлер, реакциите се главно позитивни.
„Babygirl“ ќе се прикажува во кината на 25 декември.
Фото: Принтскрин/YouTube
