ekran платформа за слободоумни
Американецот Фернандо Балбуена (45) со ќерката Ферни (5) во прегратки, скокнал во понеделникот под воз на метро станицата во Њујорк.
Починал на лице место а детето чудесно преживеало без повреди.
Ужасната сцена што ги шокирала сите присутни се случила за време на утринската навалица на една станица во Бронкс. Сведоците велат дека Балбуена, држејќи ја малечката Ферни во рацете, скокнал под возот број 4, пристигнувајќи на станицата. Присутните биле во шок, мислејќи дека мажот се самоубил и себе и детето, а потоа девојчето се слушало како го повика нејзиниот татко под возот.
Цезар Домингез (29) и Јаиро Торес (36), кои чекале превоз, веднаш скокнале на шините за да му помогнат на детето. „Кога го слушнав девојчето како плаче, таа го повикуваше татко и, како да ја слушнав ќерка ми“, рекол Домингез, кој е татко на шест деца.
Тој додал дека никој не ги турнал Балбуена и ќерката од платформата, ниту случајно паднал, но скокнал под возот со намера да се убие себе и детето.
Торес рекол дека на почетокот се парализирал, но дека штом го слушнал плачот на девојчето, веднаш скокнал за да помогне.
„Видовме две тела како лежат под возот на шините. Го запрашавме девојчето дали може да се движи и таа ми пријде. Мислев:’Фала му на Бога, таа е жива и се движи’“, рекол Торес.
Според неговите зборови, ниту тој ниту Домингез не можеле да се подвлечат под возот, па затоа и рекле му рекле на девојчето да се обиде да доползи до нив.
