ekran платформа за слободоумни
Шарлиз Терон сама ги изведувала повеќето опасни сцени во акционите филмови во кои глумела.
Имено, во шпионскиот трилер „Atomic Blonde“, Терон морала да научи речиси 30 последователни потези за борбени сцени на скалите и да ги изведе на начин на кој режисерот Дејвид Лајч немаше замерки.
Терон истакнала дека не била секогаш сигурна во своите каскадерски вештини, а во 2004 година, додека го снимала научно-фантастичниот филм „Æon Flux“, доживеала несреќа за време на сцената во која висила од жици и скокала на трамболина.
„Тоа беше сериозна несреќа. Бев неколку сантиметри од трајна парализа. Сето тоа ме разбуди и ме натера да сфатам дека е важно да бидам целосно подготвена”, рекла Терон.
View this post on Instagram
Поради повредата се здобила со силни болки, грчеви и оштетување на нервите.
„Пред четири години имав операција за фузија на цервикалниот ‘рбет, што беше најдобрата одлука што некогаш сум ја донела. Моето тело сега функционира одлично и не сакам повторно да го загрозувам моето здравје”, тврди таа.
Сето тоа, објаснува таа, не ја спречило, туку решила да биде уште подобро подготвена за сите идни улоги. По нејзината несреќа, Терон продолжи да глуми во филмови во кои има акробации, вклучувајќи ги „Mad Max: Fury Road“ и „The Old Guard“.
Фото: Принтскрин/Instagram
