(ВИДЕО) Споделено на Инстаграм – Карлеуша се појавила во шоуто на Џорџина: „Никогаш не мислев дека случајно ќе се видам на Нетфликс“

Јелена Карлеуша синоќа на својот Инстаграм профил сподели видео на кое се гледа како таа се појавува во новата сезона на шоу на „Нетфликс“.
Имено, Карлеуша во неколку наврати се појавува во реалното шоу „I Am Georgina“ (Јас сум Џорџина) кое го прикажува животот на партнерката на Кристијано Роналдо, Џорџина Родригез.
На видеото кое го објави, Карлеуша се шета по пистата, а Џорџина вели дека креацијата е добра, на што колешката и одговара дека тоа е костумот на Карлеуша.

 

View this post on Instagram

 

A post shared by Jelena Karleuša (@karleusastar)

„Никогаш не мислев дека случајно ќе се видам себе на ‘Нетфликс’. Џорџина, ти благодарам за убавите зборови. Супер ти е шоуто”, напишала Карлеуша во описот на објавата.
Сцените се снимени во март годинава на ревијата Veterments која се одржа за време на модната недела во Париз, каде што Карлеуша и Родригез се дружеле. Потоа се појавило видео поради кое многумина се посомневале дека Џорџина Родригез на Карлеуша и навестила крај на кариерата на Роналдо.
Инаку, заплетот на реалното шоу „Јас сум Џорџина“ го прикажува секојдневието на Џорџина Родригез како мајка, инфлуенсер, деловна жена и партнерка на Кристијано Роналдо.

Фото: Принтскрин/Instagram