ekran платформа за слободоумни
Доколку навистина сакате јагоди, а имате „гадлива“ природа, ве советуваме да ја прескокнете содржината подолу. Илјадници луѓе во коментарите признале дека ова видео им го уништило денот. А во прашање е видео од јагоди под микроскоп кое стана вирално на Твитер последните денови.
Го погледнале над 2,7 милиони луѓе, а самиот автор се извинува за глетката.
Видеото покажува како маж ја сече кората, односно надворешниот дел од јагодата и ја става на плочка, а потоа под микроскоп.
Под микроскоп, можете да видите грини како лазат по парче овошје. Очекувано видеото предизвика бројни негативни реакции.
„Воопшто не ви е жал или не требаше да го објавите ова“, напишал на Твитер лут корисник.
„Не можам да верувам на овошје со семиња однадвор“, додал друг.
Are you having a good day today?
I'm sorry for ruining it by posting this video of a strawberry under a microscope. pic.twitter.com/xQKSG04OYK
— QENNY Go Go White Sox (@AKBrews) March 28, 2023
Имало и такви кои се свесни дека просторот за живеење го делиме со грини.
„Има грини кои живеат на вашето тело. Ги има насекаде. Ако ви се гади, не ги гледајте под микроскоп. А тоа што живеат на јагоди не е нова работа и наидовме на таква содржина на интернет многупати. Во вакви ситуации се советуваше како правилно да се мијат јагодите“.
Најдобро би било пред конзумирање да бидат натопени во раствор од вода и сода бикарбона.
„По речиси 25 години живот, TikTok ме научи како правилно да ги мијам јагодите. Тие се полни со ситни бубачки и имаат тони нечистотија“, напишал корисникот, а пренесува indy100.com.
Фото: Архива
