(ВИДЕО) Што знае директорот на Фајзер, а ние не знаеме?

Претседателот на управниот одбор на „Фајзер“ дал интересно интервју за француската телевизија BFM, во кое истакнува дека омикрон е последниот вид кој ќе предизвика ограничувања.
Во тоа интервју Алберт Бурла рекол дека се надева дека сегашниот бран омикрони ќе биде последен, но веднаш додал дека најверојатното сценарио е она во кое вирусот ќе циркулира меѓу светската популација во наредните години.
„Најверојатното сценарио, иако не можам да гарантирам дека ќе биде баш така, е она во кое вирусот ќе биде меѓу нас уште многу, многу години.Тоа е вирус кој се шири низ светот, па затоа е многу тешко целосно да се елиминира. Ни природниот имунитет ниту имунитетот на вакцината не обезбедуваат особено долготрајна заштита, што значи дека некој што е заразен може повторно да се зарази следната година, со иста или друга варијанта“, рекол Бурла.
„Тоа е исто така вирус кој создава многу варијанти. Но, она што е важно за светот не е дека вирусот ќе продолжи да циркулира низ светот во годините што доаѓаат, исто како и стотици други вируси, туку дека можеме да се вратиме во нормален живот, под услов да се држиме до некои работи“, додал тој.

Pfizer's chief executive says #COVID19 will 'circulate among us for many, many years', but adds that the virus should not prevent people 'returning to their normal lives'.

Get live updates: https://t.co/cQoECIUlgv pic.twitter.com/aA3g2sqZZY

— Sky News (@SkyNews) January 18, 2022

Сепак, тој оптимистички додал, повикувајќи се на ефикасноста на вакцините и лековите за Ковид, бидејќи смета дека бранот омикрони е „последен со толку многу ограничувања“.
Бурла рекол и дека вакцината против омикрон ќе биде готова во март и дека компанијата веќе работи на производство на дози од тие вакцини.
„Ќе имаме ефикасна вакцина во рок од три месеци од откривањето на омикрон, што е многу краток период“, додал претседателот на управниот одбор на „Фајзер“.
Тој повторил дека, што се однесува до општата популација, не може да препорача четврта доза од вакцината бидејќи сè уште нема доволно докази за нејзината ефикасност. Наместо тоа, рекол тој, бустерот, односно третата доза, треба да се промовира како многу важен за целосна заштита од потешките последици од инфекцијата со коронавирус.

Фото: Принтскрин/Twitter