ekran платформа за слободоумни
Околу 400. допломци од колеџот „Морхаус“ во Атланта, во американската сојузна држава Џорџија,за крај на школувањето добиле неочекувано голем подарок, откако милијардерот и филантроп Роберт Смит решил да го исплати студентскиот долг на цела генерација, во износ од 40. милиони долари.
Овој технолошки инвеститор, пред да го исплати долгот на студентите на колеџот „Морхаус“ донирал 1,5 милиони долари.
„Морхаус“ е традиционално колеџ на афроамериканци на кој студирале и борецот за човекови права, Мартин Лутер Кинг, познатиот режисер Спајк Ли и глумецот Семјуел Л. Џексон.
„Студенти од колеџот ‘Морхаус’, окружени сте со луѓе кои ви помогнале денес да бидете тука. Во име на осум генерации од моето семејство, колку сме во оваа земја, ќе ви дадам малку потстрек“, рекол милијардерот Смит, кој бил главен говорник на церемонијата на дипломирањето.
Тој во говорот на цела генерација дипломци и порачал дека ќе им го исплати комплетниот студентски долг.
„Знам дека оваа генерација ќе покаже дека тоа е исплатливо. И секам секоја следна генерација да личи на оваа, се надевам дека ќе имаат можност да напредуваат. Бидејќи можеме да водиме сметка едни за други и да обезбедиме сите да имаме прилика да го оствариме американскиот сон“, рекол Смит.
Billionaire U.S. investor Robert Smith surprises students at Morehouse College in Atlanta during a commencement ceremony by pledging to pay off their debt https://t.co/vLcWWIiaXo via @ReutersTV pic.twitter.com/aJ9mjRaBm5
— Reuters (@Reuters) May 20, 2019
Се наведува дека студентите од кои некои биле дожни и по неколку десетици илјади долари во исто време биле и среќни и шокирани.
„Делува нереално. Кога на говорницата рече дека ќе ни ги исплати долговите, погледнав во колегата и го прашав дали добро слушнав? Бев во комплетен шок и ова е најдобар подарок кој сум го добил во животот“, рекол еден од студентите.
