ekran платформа за слободоумни
Песната „Макарена“ е една од најпознатите музички нумери во светот, а танцот на заразниот ритам е општо познат. Сепак, се чини дека не и за помладите генерации.
Имено, видеото споделено на TikTok собрало 10 милиони прегледи, а покажува како генерацијата Z на забава „quinceanera“ (прослава на 15 роденден) во Вашингтон танцува на „Macarena“.
– Се плашам, зошто вака танцуваат на „Макарена“?“, се наведува со видеото.
@frikenarleth Im scared why they dancing the macarena like that🧍🏻♀️😭 #macarena #whatsgoingon #quinceañera #elpaso #fyp ♬ original sound – Arleth Lopez
На него може да се видат тинејџери како танцуваат на хит песната на Лос дел Рио, објавена во 1993 година.
Додека повеќето милениумци би знаеле да ги повторат танцовите потези кои се поврзуваат со оваа песна веќе три децении, се чини дека припадниците на генерацијата Z измислиле малку поинаква кореографија.
Додека помладите се чудеа како не е „Макарена“, постарите шокирани прашуваат „Што е прикажано на видеото?“.
„Ова е се освен „Макарена““, „Никогаш не сум видел некој да танцува вака на оваа песна, чувствувам дека треба да се грижам“, „Ова не е „Макарена“ што ја знам и ја сакам“, напишале тие.
Сепак, имало и такви кои тврделе дека има три различни делови од кореографијата на „Макарена“, што уште повеќе ги збунило корисниците на TikTok.
Фото: Принтскрин/TikTok
